Inahan sa batang napalgang patay sa Sasa ginapangita

22

Davao City – Perteng sukua sa mga netizens sa social media sa dihang nakita ang batang nakaplagang patay ug naglutaw-lutaw sa likod sa Coast Guard Substation didto sa Zone 5 Km 11 Sasa siyudad sa Davao kagahapon sa buntag.

Sa post sa DXDC, usa sa mga nag comment nag ingon nga walay batasan ang naghimo niini.

Sa gihimong pakighinabi usab sa DXDC news team ngadto kang Police Chief Inspector Reuben Libera, hepe sa Sasa PNP nga dili puya ang napalgan kun dili batang babae nga gibana-banaang anaa sa 8 to 9 months.

Dugang pa nga mag-atubang og kasong infanticide ang inahan sa bata ug mas gipalapdan karon sa kapulisan ang imbestigasyon aron maila ang mga walay kukaluoy nga mihimo niini.

Sa karon, gidala na sa punerarya ang bata samtang gipanawagan ang inahan niini nga mupatim-aw ug atubangon ang salaod nga gibuhat niini sa iyang kaugalingong anak.

RadyoMaN Renz Barbarona

Facebook Comments