Davao City – Mapasalamaton si Fely Talili sa tanyag nga reward money gikan kang Former President Rodrigo Roa Duterte ngadto sa mga eyewitness o makatudlo sa naka hit-and-run patay sa anak niini nga si Ana Mae.
Sa interview sa DXDC RMN Davao kang Talilli, ang kantidad nga 500 thousand pesos dakong tabang sa pagkasikop sa driver aron hingpit na makab-ot sa pamilya ang hustisya sa kamatayon sa iyang anak.
Malaumon usab kini nga tungod niini mas mopaspas ang dagan sa pagsulbad sa kaso gumikan daghan ang mamahimong molihok.
Sa pagkakaron, gi-coordinate na ang pamilya sa Traffic Enforcement Unit kun TEU kay dunay nasagap nga video gikan sa nahitabong vehicular accident alang sa posibleng pag ila sa suspetsado.
Kahinumduman, angkas ang biktima sa motor sa iyang uyab dihang nabanggaan kini sa usa ka puti mga pick-up sa McArthur Highway nga miresulta sa iyang hinanaling kamatayon.
RadyoMaN Paul Canono
Facebook Comments
