Gidugang pa ni PLT Bartiana nga ang maong text message dili verified,dili tinuod,dili naggagikan sa Pagadian City Police Station. Kinahanglan nga magpabakana ang mga katawhan sa maong mensahe dili magpatak og share aron dili mokatag. Ang pagpakatag og fake news dakong kalapasan sa Aticle 154 Revised Penal Code ubos sa Section 18, Article 154 nga mao ang “Unlawful use of means of publication and unlawful utterances”. Makabayad og penalty kon mohimo o mo publish og mga fake news. Moreport sa mga otoridad kon anaa’y madawat nga mga mensahe ug dili ipakatag aron nga dili maalarma ang mga katawhan nga makadawat sa maong text message. Pahimangno sa mga katawhan nga dili mutuo sa mga text message nga dili verified aron dili makadaot sa uban.

Pagadian City – Gipatin-aw karon sa Pagadian City Police Station nga dili tinuod ang text message ang nadawat sa mga katawhan dinhi sa Pagadian ug ingon man sa probinsya sa Zamboanga Del Sur.
Gibutyag ni PLT Virginie Bartiana kagahapon sa hapon January 31, 2023 nga walay kamatuoran ang maong mensahe nga nadawat sa mga katawhan kung diin ang maong minsahi nag-ingon nga ” MSU Saguiran, Baloi, Iligan, Malabang, Butig, Lumbatan, Pantar, Piagapo, Cagayan, Davao, Labangan, Pagadian, ug Tukuran nga nagpahibalo ngadto sa mga Muslims ug Christians sa mga lugar nga mag-declare matud pa ang MILF ug ang ISIS og 2nd War gumikan matud pa sa BBL.”
Gipatik pa ang maong text message nga kinahanglan nga alerto sa bisan unsang oras gumikan sa pagpahigayon og 2nd war.
Gigamit matud pa ang PNP Pagadian nga ang Maute group nga matud pa naa na sa SND, Tukuran ug sa Labangan, mao matud pa nga dili magpataka og lakaw magabii.
Ang mensahe matud pa makahatag og alarma ngadto sa katawhan hinungdan nga nagpahibalo karon sa publiko ang PNP nga dili tinuod ang maong text.