Davao City – Posibleng makig-atubang sa giakusahang pulis ang pamilya ni Michael Villarosa, ang 19 anyos nga taga Barangay Buclad, Asuncion, Davao del Norte nga giingong gikulata ni Police Corporal Marjun Pantonial, Intel Operative nga nadestino sa Asuncion Municipal Police Station (MPS).
Sa pakighinabi sa DXDC RMN Davao kang Mary Jane Villarosa, inahan sa biktima, iyang gisaysay nga wala pa sila nakapasaka og kaso o kung unsa ang ilang mamahimong desisyon sa pamilya sa insidente tungod kay aduna pa silay ginaproseso. Ginapaabot pa usab ang mga resulta sa medical examination sa iyang anak.
“Wala pa mi desisyon nga mao ni, mao na, (kung) pasayloon namo, wala pa pud. Naa pa mi gamay gihulat. Kung dili gyud mi magka-ayos o unsay dagan ani, magpahibalo lang mi,” matud sa inahan.
Una nang gibutyag sa Asuncion MPS sa DXDC RMN Davao nga gawas sa kasong posibleng ipasaka sa pamilya, mag-atubang usab og kasong administratibo ang nahisgutang pulis nga kasamtangan karong ‘restricted’ ang status.
RadyoMaN Kirby Manzon
Facebook Comments
