General Santos City–Desididong mopasaka ug kaso si alyas Neneng ang inahan sa biktimang si Gilbert Molero, 40 anyos, nanimuyo sa Calumpang kansa gitigbas sa suspetsadong si Dennis Naharo , 26 anyos , nga nanimuyo sa may christian village pasado alas 2:00 sa buntag niadtong nakalabayng adlaw.
Sumala pa sa ginang nga gikan matud pa nag-inom sa videokehan ang suspek dihang pauli na kini agi sa may Christian Village kung asa anaa pod ang biktima sa lugar nga nag-inom duna matud pay gipangutana ang suspek nga ngalan sa tawo apan wala nakaila ang biktima.
Nasuko matud pa ang nasampit nga suspek hinungdan nga gibalikan niini ang biktima sa lugar bitbit ang sundang ug diretso gitigbas sa kamot ang biktima.
Gihingusgan pa ni Neneng nga dili tinuod ang pasangil sa suspek nga giatangan kini sa iyang anak dihang miagi kini gumikan kay agianan matud pa ang lugar ug nag-inom lang niadtong higayona sa tindahan ang iyang anak.
Pagpaklaro sa inahan nag kung dili tubagon sa suspek ang tanang galastuson sa ospital sa iyang anak iyaha gayud pasakaan ug kaso ang suspek.
Sa kasamtangan padayon nga ginaatiman sa mga mananambal sulod sa balay tambalanan ang biktima nga sumala pa dunay mga ugat nga naputol nga naigo sa tinigbasan sa iyang kamot. (Reynald Timario)
(photo is for illustration only)
