General Santos–dili masukod ang pagmahay sa inahan nga si Anabelle Abellanosa nga taga Pc Reservation, Barangay Poblacion, Glan Sarangani Province human sa kamatayon sa iyang tulo ka mga anak nga silang si Shaira Jane Abellanosa, 2 anyos, u gang kaloha nga silang Carlito ug Shaira Mae, 3 anyos human naapil sa sunog alas 3:00 pasado ang takna sa hapon kagahapong adlawa.
Sumala sa ginang nga iyang gibyaan ang iyang mga anak tungod mihatod kini ug pagkaon sa iyang usa pa ka anak nga naadmitar sa Glan Municipal Hospital. Nakadawat nalang sya ug report nga matud pa nasunog ang ilang balay maong dali kining miuli apan wala na niya maabtan pa ang iyang mga anak tungod nakabsan na ug kinabuhi ang mga nahisgutan.
Giklaro usab sa inahan nga wala niya gikandado sulod sa ilang balay ang iyang mga anak, sanglit igo ra niyang gibangilan ug kutsilyo ang pultahan aron dili sila makagawas sa ilang panimalay samtang siya wala.
Samtang giklaro usab niini nga ayha siya mibiya sa ilang panimalay iyang gipalong ang kalayo human niini naglung-ag. natingala nalang siya nga sa ilang balay maoy gitumbok nga naggikan ang kalayo nga miugdaw sa pito ka mga panimalay.
Samtang gibutyag ni Arman Banjao association President sa ilang lugar nga sa balay gyud ni Annabelle naggikan ang kalayong miugdaw sa panimalay sa ilang silingan. Posibling nagdula-dula ug posporo ang mga bata nga maoy hinungdan sa sunog apan kini ang giimbistigahan pa karon sa Bureau Of Fore Protection Gensan.
