Gipahigayon ang Inaugural Session sa ika-27 nga Sangguniang Panlalawigan (SP) sa Bukidnon kagahapon didto sa SP Hall, Provincial Compound, Malaybalay City, Bukidnon.
Atol sa maong session, gihisgutan ang pipila ka mga programa sa administrasyon ni Governor Oneil Roque sama nalang sa mga Social Services Fund, Governor’s Extension Office, Health Care System, mga ayuda sa mag-uuma, ug ilabi na ang proposal sa bag-o ug ikalimang distrito sa probinsya.
Namahayag si Governor Roque nga kinahanglan matud pa ang pagtinabangay sa mga opisyales aron nga matagaag pagtagad ang mga programa nga prioridad sa administrasyon alang sa katawhan sa probinsya.
Gitambungan ang maong session sa mga board members sa mga nagkadaiyang distrito sa probinsya ingon man ni Vice Governor Clive D. Quino ug ni Governor Oneil Roque.
Facebook Comments
