Inauguration day ni Governor Esteban Evan Contreras, ginpatigayon kahapon nga adlaw; Apat ka mga former governor sang Capiz, nagtambong!

Roxas City, Capiz – Ginpatigayon kahapon nga adlaw sa Capiz Gymnasium ang inauguration day ni Governor Esteban Evan “Nonoy” Contrraras bilang panibag-o nga gobernador sang probinsya sang Capiz.
Ini ang gintambungan sang mga malapit nga abyan, mga pamilya kag mga kilala nga mga politiko sa Capiz.
Kalakip na diri amo ang apat ka mga anay gobernador sang probinsya sang Capiz nga amu sanday former governor Victor Tanco Sr., Vicente Bermejo, Jose Ting Borda kag former governor kag Pontevedra Mayor Esteban “Dodoy” Contreras.
Yara man ang pila ka mga alkalde halin sa 1st district sang Capiz nga amu sanday Mayor Receliste Escolin sang Pres. Roxas, Mayor Felipe Barredo sang Panay, Mayor Raymond Malapajo sang Maayon, Mayor Katherine Belo sang Panit-an, Mayor Arnold Perez sang Pilar kag Mayor Ronnie Dadivas sang Roxas City.
Si Governor Nonoy Contreras ang nagsumpa sang iya oath of office sa presensya ni Cong. Mikee L. Romero sang 1-PACMAN Party List.
photo(c)- Edalyn Acta

Facebook Comments