Davao City- Dili pa andam ang Davao City sa ipatumang PUJ modernization program gumikan sa posibleng kakulangon sa mga masakyan sa mga pasahero.
Kini ang tubag ni Mayor Inday Sara Duterte sa gi-warning ni Presidente Rodrigo Duterte nga kutob na lamang December 2017 ang mga karaang PUJs nga gadagan sa mga kadalanan.
Sa pikas bahin gisulti ni Mayor Sara nga ang syudad nakatutok karon diha sa i-adopt nga high-priority bus system.
Sa bag-ong sistema ang kada bus hulipan ang anaa sa 3 ngadto sa 5 mga mga jeep sa kadalanan silbing tubag usab sa nagkagrabeng trapik sa dakbayan.
Subay usab sa maong plano daghang trabaho ang mamahimong i-avail sa mga sa mga drayber ug operators nga labing maapektuhan sa maong programa sama sa operators, drivers, konduktor, barkers, clerks, mekaniko, ticket attendants ug uban pa.
Adunay kapin syete mil ka mga jeep ang dakbayan sa Davao.
Kahinumduman nga nagwelga ang grupong Transmission Piston SMR gumikan sa pagsupak nila sa Jeepney modernization.
RadyoMan Aimee Guinita
