Davao City – Nanawagan karon ang ACT Teachers Partylist nga unta itunol na ang incentives ug ubang allowance nga angay madawat sa mga magtutudlo.
Sa pakighinabi sa DXDC RMN Davao pinaagi sa primetime program nga Straight to the Point morning edition kang Rep. France Castro sa ACT Teachers Partylist, sulti niini nga ginahulat sa mga magtutudlo ang Service Recognition Incentive nga gisaad ni President Rodrigo Duterte.
Sumala niini nga anaa sa 10,000 pesos ang maong incentive samtang ang Performance-Based Bonus anaa sa 5,000 pesos ang pinakaubos.
Nanghinaut usab si Castro nga himuong 1,500 pesos ang internet allowance sa teachers karong panahona diin sa ilang naaprubahang budget, anaa lang sa 1,000 pesos kada tuig ang gitaganang allowance alang sa internet.
“Nananawagan ako sa DepEd na sana maibigay na yung kanilang Service Recognition Incentive na pinangako ni Pangulong Duterte, P10, 000 yun. Tapos yung kanilang Performance-Based Bonus sana maibigay na, pinakamababa P5, 000 at dapat gawin na yung allowance sa internet sa P1, 500… Sa ngayon ay may inaprubahan sa budget na P1, 000 per year sa internet,” segun ni Castro.
Nagtuo ang representante nga kinahanglanon kini pag-ayo sa mga magtutudlo ilabi na ning panahon sa pandemya.
RadyoMaN Renz Barbarona
