Davao City- Gipreparahan sa Southern Philippines Medical Center (SPMC) ang gilantaw nga pagsutoy sa kaso sa COVID-19.
Gibutyag ni Dr. Ricardo Audan, SPMC Head, nagpabiling silang nakaalerto ug nakaplastada na ang mga COVID-19 beds ug mga health care workers nga mututok sa mga pasyente sa higayong mahitabo man ang surge. Tumanon sa SPMC ang interim guidelines diha sa mahitabong pagsaka sa kaso. Matud ni Audan, ginamonitor nila ang kaso sa COVID-19 sa entero bulan sa Marso 2022.
Nagpabilin gihapong istrikto nilang gipatuman ang health protocols diin muagi usa sa teleconsultation ang mga pasyente, mandatory ang pagsuot og face masks ug kinahanglang naka-face shield sa COVID ug Respiratory ward.
Nagpahimangno si Audan sa publiko sa pagtuman sa Minimum Public Health Standard ilabina nga anaa sa Alert Level 1 ang syudad sa Davao.
RadyoMaN Aimee Guinita
Facebook Comments
