Incoming VP Sara Duterte uyon sa Barangay ug Sk Elections postponement

88
Davao City – Walay pasupak si Davao City Mayor ug incoming Vice President (VP) Sara Duterte-Carpio sa pag-postpone sa Barangay ug Sangguniang Kabataan (SK) Elections sa Disyembre karong tuiga.

Sumala ni Mayor Sara (sa interbyu sa city-owned radio), nagkinahanglan og balaod gikan sa Kongreso ug Senado aron ma-postpone ang Barangay ug SK Elections.

Gipaboran usab sa incoming VP, ang pag-postpone sa nahisgutang eleksyon aron magamit ang budget niini ngadto sa mas gikinahanglang tutokan sa musunod mga administrasyon ilabina ang pagbalik sa ekonomiya nga naapektuhan sa pandemya.

“I do think na mas maayo kung i-postpone nato ang atoang Barangay Elections because we can save money dinha sa pagpahigayon og eleksyon nana, which the new administration can use (the money) for mga mas importante nga butang,” saysay ni Mayor Sara.

Una nang gibutyag ni Leyte Representative Matin Romualdez, maka-save ang gobyerno og P8.141 billion nga pwedeng magamit sa Coronavirus Disease 2019 (COVID-19) response, inay igasto sa eleksyon.

RadyoMaN Kirby Manzon

Facebook Comments