Roxas City, Capiz – Nakahanda si Roxas City Mayor Alan Celino nga isumiter ang iya kaugalingon pananglitan nga siya ang ipaidalom sang NBI sa lifestyle check, apang ginklaro sang alkalde nga indi siya narco-politician.
Suno sa iya naga-timakas ini bilang isa man ka indibidwal agud nga magmangin maayo ang pagpangabuhi pinaagi sa iban nga mga negosyo. Nagasalig man si Celino nga mangin fair ang NBI para sa pagpatigayon sang lifestyle check.
Samtang ginsuhestiyon man sini nga dapat indi lamang ang pilili-on kundi dapat tanan nga mga opisyal ang ipatigayon sang lifestyle check kun ayhan naga-kasanto ang ila sahe sang ila pagpangabuhi kun ikumparar sa ila manggad ukon ginakita.
Sa eksklusibo nga interview sang DYVR RMN-Roxas kay Celino, ginsiling sini nga matapos nga mahibaluan ang amo nga impormasyon, natublag siya kag may yara sang tion nga indi makatulog.
Sa madumduman, kalakip sanday Roxas City Mayor Alan Celino kag Pilar Municipal Mayor Gideon Ike Patricio sa mga local government officials nga ginhingadlan sang NBI-Regional Office 6 nga igapaidalom sa imbestigasyon kag lifestyle check.
