Nagsungka sa kapulisan si Jose Jimmy Lastimoso, 35 anyos, ang suspek nga nagluthang patay sa iya kaugalingon nga amay sa barangay Panuran, Lambunao, Iloilo sang damlag lang.
Suno sa suspek, indi niya hungod nga tiruhon ang amay kag aksidente lang nga napitik niya ang gatilyo sang 12 guage shotgun.
Dugang pa sang suspek nga wala sila sang may ginbaisan sang amay.
Ginpahayag sang suspek nga gilayon siya nalagyo matapos ginhimo ang krimen bangud nahadlok siya nga patyon man sang mga tawo sa ila lugar.
Una na naggwa sa imbestigasyon sang kapulisan nga hubog ang suspek sang nagbaisay sila sang amay bangud sa sud-an nga manok rason nga iya ini ginluthang.
Preso na sa Lambunao Municipal Police Station si Lastimoso kon sa diin nagsindi ini sang kandila sa sulod sang iya karsel kag tuman ang paghinulsol bangud snag natabo.
Madumduman nga wasak ang butkon sang amay nga si Jimmy Lastimoso, 57 anyos bangud ginsagang ang bala kag naglapos sa iya dughan nga gin tunaan sang iya kamatayon.
