SYUDAD sang Iloilo – Daku ang paghinulsol sang 55 anyos nga tiyo matapos nga iya ginbuno-patay ang iya hinablos sa Zone 12, Barangay Calaparan, Molo, Setyembre 1 sang agb-i.
Ginkilala ang suspek kay Salvador Abantao samtang ang biktima nga hinablos ini ginkilala naman kay Wilfredo Abantao, 39 anyos.
Sa exclusive interview sang RMN Iloilo kay Salvador, iya ginpahayag nga indi niya hungod kag madasig lang ang natabo.
Naka-angkon sang apat ka pilas ang biktima nga gintunaan naman sang iya kamatayon.
Suno kay Salvador, naakig siya sa biktima bangod nga sa tion nga kastiguhon niya ang anak nagakadtu ini sa biktima kag nagapa apin-apin ini.
Dugang pa sang amay nga ginabuyayaw siya sang iya anak.
Nahibaluam, lunsay hubog ang duha sang natabo ang insidente.
Detain subong sa Molo Police Station ang suspek matapos gin-aresto sa krimen nga iya nahimo.
