Nagmalampuson ang gipahigayong Indigenous People day (IP Day) kagahapong adlawa nga gipasiugdahan sa National Commission on Indigenous People (NCIP) Caraga.
Subay niini mapasalamaton si NCIP Caraga Reg’l Director Ferdausi Cerna ngadto sa 23rd IB Phil. Army pinaagi ni LTC Francisco Molina, Jr ang Battalion Commander sanglit diha sulod sa kampo sa military gipahigayon ang aktibidad nga gitambongan sa mga IP’s gikan sa lalawigan sa Agusan del Sur ug Agusan del Norte.
Gipasabot ni Dir. Cerna nga diha gipahigayon ang IP day Celebration sulod sa kampo sa AFP sanglit nalakip sa gimando sa E0 70 kon Whole of Nation Approach to End Local Armed Conflict nga kinahanglan ipasabot sa mga tribu ang pagsalikway sa ilang suporta sa rebelding New Peoples’ Army.
Pinaagi usab niini mapakita sa kasundaluhan nga bukas ang ilang kampo bisan sa mga tribu.
Gisalikway ni Dir. Cerna ang kahadlok nga basin ug kasilagan sa mga NPA ang tribu tungod sa ilang pagpaduol sa mga sundalo sanglit bisan pa ug wala kini nga programa daan nang giinitan sa NPA ang mga lider sa tribu nga nagdumili sa pagsuporta sa kalihukan (with report archer capadeso/sasie babar). [image: ip day.jpg]
