Tumong usab sa maong Indignation and Prayer Rally sa mga homeowners aron ipanawagan sa mga otoridad ug resolbahon ang bikil sa mga homeowners batok sa mga opisyales sa Homeowners Association ingun man korehian sa developer ang mga buslot sa pader sa subdivision.
Sumala ni Alyas Bobong, nga angay susihon sa mga awtoridad kun giunsa pagbantay sa mga security guards ang Deca Homes nganong nahitabo ang mangilngig nga krimen luyo sa kadaghan sa mga security personel nga nagpatuman sa seguridad sulod sa subdivision apan adunay gipatay nga homeowner sulod mismo sa iyang panimalay.
Matud ni alyas Bobong, nga dako ilang katingala nga aduna may mga security guards ang ilang subdivision apan daghan gihapon ang kaso sa pangpangransacked sa mga kabalayan sa DecaHomes Talomo.
Gipaklaro ni Alyas Bobong nga ang aktibidad inisyatibo sa mga managsilingan ug dili sa mga opisyales sa Deca Homeowners Association
Naalarma na ang mga homeowner sa ilang seguridad human gipatay ang ilang silingan nga si Nieva ug adunay mga alahas nga nahanaw sulod mismo sa panimalay sa biktima.
RadyoMaN Erin Lumosbog
