General Santos City—- Dakpan pinaagi sa hinusang pwersa sa kapulisan ang usa ka Indonesian National nga walay bisan unsang dokumento sa brgy. Burias, Glan Sarangai milabay’ng Mayo 20.
Giila ni Police Chief Superintendent Marcelo Morales, Regional Director sa Police Regional Office 12 ang nahisgutan nga si Jaworsky Tonengan Musalang alyas Opo, 31 anyos.
Basi matud pa sa inisyal nilang imbestigasyon, lambigit ang nasangpit sa pagpamaligya ug arams gikan dinhi sa pilipinas padulong Indonesia ingon man pag-smuggle ug mga produkto gikan indonesia padulong pilipinas.
Dugang pamahayag ni Gen. Morales nga wala nila gipasakaan ug kaso ang nahisgutan gumikan pagpayuhot ug armas ingon man mga produkto, apan nag-atubang matud pa kini ug kasong pagsupak sa philippine immigration laws gumikan wala man kini mga dokumento.
Pagpaklaro ni Gen. Morales nga wala nila ginabalewala ang posisbilidad nga magamit sa mga terorista ang mga indonesian national nga nagasulod sa dakbayan.
Busa hugot matud pa nilang ginatutukan ang pagsulod ug ang paggawas sa mga nasangpit sa kadagatan nga bahin sa rehiyon.
Kalabot niini gibutyag ni gen. Morales nga ilaha pang karong gina-imbestigahan kung konektado si Alyas Jaworsky kang Abu Omar nga una ng nadakpan sa kapulisan sa may Palimbang, Sultan Kudarat.
Sumala niya nga basi sa pamahayag sa nahisgutan, dugay na kining nagpabalik-balik sa rehiyon kung asa tuig 2006 pa kini unang misulod sa probisnya sa sarangani.
Apan tuig 2012 na matud pa siya misulod ug Gensan. Saysay pa niini ngas tungod sa daghan siyang mga bangka, mahimo niya nga magpabalik-balik sa rehiyon sulod sa taas nga panahon.
