General Santos City–Nagpabilin pa sa kustudiya sa Glan Municipal Police Station ang usa ka Indonesian National nga si Omar Soco, Alias Kuling, kansa una nang gidakop sa kapulisan human nga nisulod sa Lungsod sa Glan nga walay igong dukumento.
Sumala ni Po2 Paul Alido sa Glan PNP nga una na silang nakadawat ug report nga dunay usa ka Indonesian National nga anaa sa Small Margus Glan .
Tungod niini daling girespondihan ang nasangpit ug didto na kini giimbitahan sa kwerpo sa kapulisan. Gipangitaan ug dukumento apan wala kini gipresentar mao nga gikustudiya sa kapulisan.
Gibutyag usab ni Barangay Small Margus Glan Kapitan Roldan Daquisan, nga kanunay man ang ilang monitoring sa ilang barangay niining mga nagasulod nga mga langyaw.
Sumala sa kapitan nga matag dunay magdunggo nga bangka sa ilang barangay ila dayon nga ginasuta. Apan dili gyud matud pa malikayan nga dunay makalusot kung dili man sa ilang Barangay sa mga barangay nga kasigbit sa ilang lugar.
