General Santos City— Gikumpirma ni Police Chief Superintendent Marcelo Morales, Regional Director sa Police Regional Office 12 nga usa ka Indonesian National si Abu Omar nga una ng nadakpan sa may Palimbang, Sultan Kudarat.
Sumala niya nga human makagawas sa prisuhan sa Indonesia si Omar, mi-byahe kini padulong ug Jose Abad Santos agi ug backdoor ayha mipadulong ug Gensan kung asa kini nagpuyo sulod sa usa ka semana.
Gisikop matud pa kini sa operatiba ug gilayong gi-turn over sa Bureau Of Immigration gumikan wala kini mapakitang dokumento kung asa gikumpirma usab ni Gen. Morales nga usa ka suicide bomber si Abu Omar.
Samtang gibutyag ni General Morales nga aduna na silay koordinasyon sa tanang law enforcement unit sama sa Bureau Of Immigration, Coast Guard, Navy ug uban pa aron mas mapakusgan ang pagbantay sa boarder control sa rehiyon.
Sa karon matud pa nangayo na siya ug dugang tabang sa national headqaurters aron mapakugan ang pagpahigayon ug naval patrol.
Kung asa nangayo na usab siya ug dugang water assets gumikan hilabihan matud pa kalapad ang coastline sa rehiyon 12
