General Santos City-Gikatakdang iturn-over sa kapulisan ngadto na sa Bureau of Immigration ang usa ka Indonesian National nga Aris Bentelo, suspek nga nadakpan niadtong nakalabayng adlaw gumikan pagpalusot ug iligal nga mga sigarilyo gikan sa nasud Indonesia paingon sa Gensan.
Sumala ni Police Senior Inspector Davis Dulawan- tigpamaba sa Gensan City Police Office, higayon nga mapamatud-ang Indonesian National ang dinakpang si Bentelo ila kining iturn-over sa Immigration aron nga ipadeport balik sa nasud Indonesia.
Luyo niini gibutyag ni PSI Dulawan nga bisan pa man kini ipadeport, pasakaan gihapon kini ug kaso gumikan sa sala niini nga iligal nga pagpalusot ug mga produkto gikan sa laing nasud.
Kahibaluan nga kasamtangan pang anaa sa kustudiya sa kapulisan ang suspetsado kansa una nang nakuhaan ug minilyon nga kantidad sa mga kinartong sigarilyo. (Jordan Britos)
