Davao City – Pabor ang Davao City Anti Drug Abuse Council (CADAC) sa bisan unsang plano ni Pres. Rodrigo Duterte batok sa mga mayor nga napalpak sa kampanya kontra iligal nga droga sa ilang gisakupan.
Uyon si CADAC head Ronald Rivera nga wad-an og katungod kun police power o dili ba kaha suspendihon sa gahom ang mga local chief executive nga pakyas sa giyera kontra droga.
Sumala ni Rivera nga dugay na kini nga kamandoan sa Department of the Interior and Local Government (DILG) apan daw wala lamang kini panumbalinga sa mga mayor.
Busa gipaboran niini ang lakang sa Pangulo nga tangtangan sa gahom ang mga mayors nga wala nakig-away kontra droga o mas labing maayo suspendihon aron tinuoron na nila ang suliran sa droga sud sa ilang aor.
Samtang mibalibad kini sa pagtubag kun angay bang tugyanan ang mga pulis nga mahimong temporaryo nga mayor aron tuldukan ang operasyon sa sindikato sa droga.
RadyoMaN Joel Viray
