Davao City – Daghan sa mga Pilipino nibati’g kabalaka o kahadlok sa mamahimong side effects sa COVID-19 vaccine base sa resulta sa OCTA Research Survey.
Apan sa perspektibo sa usa ka infectious disease specialist, ‘very, very low’ o gamay ra ang side effects itandi sa kaayuhang epekto niini sa kinatibuk-ang populasyon.
Sa interbyu sa RMN Davao kang Dra. Marie Yvette Barez, Southern Philippines Medical Center (SPMC) Infection Prevention and Control Unit chief, girekomenandar niini sa publiko nga magpabakuna.
“We would still recommend (magpabakuna sa COVID-19 vaccine) kay ang side effects gamay ra man gud ug nakuan na-sensationalized ra man gud. Ang side effects is very, very low compared to the good effect that will happen,” Sumala ni Barez.
Matud sa doktor nga kung mabakunahan ang majority sa populasyon makab-ot katong herd immunity, pasabot maprotektahan na ang mga tao kung naay daghang mabakuhanan.
Alang kaniya, voluntary ang pagpabakuna apan mas kinahanglang mahatagan ang mga frontline healthworkers og COVID-19 vaccine tungod kini ang mga gaatubang sa mga pasyente.
RadyoMaN Aimee Guinita
