Nabalaka si Infectious Disease Specialist Dr. Leonel Quitos sa kalu-ag na karon sa katawhan sa Iligan human nga gipailalom sa Modified Community Quarantine.
Sa iyang personal nga opinyon gibutyag ni Quitos nga daku iyang kabalaka karon niining lu-ag na kaayo ang katawhan sa Iligan tungod sa posible unyang mahitabo nga 2nd wave alang sa COVID 19.
Mas maayo nga buhaton karon human gitugotan na sa gobyerno sa iligan ang pagbyahe sa mga pampublikong sakyanan nga kinahanglan mag-obserba gihapon ang matag usa sa social distancing ingon man ang pagsoot ug face mask.
Obligasyon na matud pa natung tanan ang paglantaw sa sitwasyon karon ilabi na ang social distancing isip kabahin sa mga measures nga gitudlo sa mga doctors aron paglikay nga mataptan sa COVID 19.
Nanghinaut si Dr. Quitos sa kooperasyon kanunay sa katawhan sa iligan aron batukan ug wala na unya’y mamahimong 2nd wave sa covid 19 dinhi sa dakbayan.
