Davao City – Kasagarang dagkung sunog nagapanghitabo diha sa lugar sa mga informal settlers sama sa sunog nga nilamoy sa kalabayan sa Isla Verde, Barangay 23-C Piapi Boulevard diin grabeng naigo mao kadtong anaa nagpuyo sa daplin sa dagat.
Sumala ni Davao City Disaster Risk Reduction Management Council (DCDRRMC) Operations Head Rodrigo Bustillo, ang mga balay ginama sa light materials walay ensaktong koneksyon sa linya sa kuryente, dili plastado, nagdikit-dikit ang kabalayan tungod kay walay ensaktong mga dalan, mga gamit sa pagluto dili luwas og kung dunay sunog, moresulta gayud sa dakung damyos kay ang mga firetrucks maglisud sa pagsulod.
Tungod niini gisugyot ni Bustillo nga kung dili man sila ma-relocate, gikinahanglan gayud nga i-plastar ang pagtukod sa mga balay, adunay ensaktong access road ug ensaktong linya o koneksyon sa kuryente.
RadyoMaN Bernard Pantallon
