Giimbistigar karon sa Homicide Section sa Cebu City Police Office kung wa bay foul play ang kamatayon sa usa ka inmate sa Cebu Provincial Detention and Rehabilitation Center (CPDRC).
Si SPO1 Winston Ybañez niila sa inmate nga si Rico Jamago , taga Jugan lungsod sa Consolacion ug nag atubang ug kasong may kalabutan sa ilegal nga drugas .
Napriso siya niadtong Pebrero 2013 ug makagawas na unta karong Agusto , apan napalgan na lang kining patay na pasado alas 4:00 kaganinang kadlawon.
Way napalgan nga samad sa iyang lawas , apan adunay dugo ang baba niini .
Subay niini, ipaubos sa autopsy ang patayng lawas ni Jamago aron masuta kung wa bay foul play ang kamatayon niini .
Facebook Comments
