Davao City – Miresulta sa kamatayon human misukol sa kapulisan ang usa ka gituhong drug pusher nahitabo sa ala 1:10 kaganihang kadlawon sa Barayco 2, Bankerohan, Brgy. 5-A, ning syudad sa Davao.
Ang biktima giila nga si Jay Anthony Macabi Romano alyas ‘Toning’ kinsa na-neutralisa atol sa gilusad nga buy-bust operation sa San Pedro PNP.
Daling gisapupo sa Southern Philippines Medical Center (SPMC) ang biktima aron matambalan apan gideklara kining dead on arrival ala 1:20 sa parehong adlaw.
Narekober sa crime scene ang .22 kalibre sa rebolber nga adunay lima ka buhing-bala, duha ka fired cartridge, usa ka pinilo nga newspaper nga adunay gituohang pinaugang marijuana ug P100 nga buy-bust money.
Nasayran nga kauban si Romano sa naaresto nga si Rosales Salonga, 19 anyos, ulitawo ug residente sa maong lugar kinsa nalambigit sa pipila ka mga pagpangawat sumala sa mga lumulupyo sa Bryco, Bankerohan, ning syudad sa Davao.
RadyoMaN Jason Amisola
