Pataasan sang pamunuan sang Department of Education ukon Dep. Ed. 12 ang ihatag nga insentibo sa mga athletes sang rehiyon nga makaangkon sang medalya sa patigayunon nga Palarong Pambansa subong nga bulan sa bahin sang Davao City.
Suno kay Dep. Ed. 12 Sports Coordinator Magdaleno Dohilag nagalab-ot sa P20k ang mabaton sang makakuha sang gold, P7k sa silver kag P5k sa bronze base sa pronouncement suno pa ni Regional Director Allan Farnazo.
Makabaton naman suno kay Sir Dohilag sang P1k nga allowance ang mga athletes kag coaches.
Samtang, nagalab-ot suno pa sa iya sa P13 million ang kabug-usan nga pondo sang rehiyon sa Palarong Pambansa nga ang masobra sa P6.9 million ang halin sa Dep. Ed. national.
Target naman nila suno kay Sir Dohilag ang ikatatlo nga pwesto subong nga tuig nga Palarong Pambansa.
