Ginkumpirmar ni Sir Alex Floro, Sports Supervisor sang South Cotabato Division Office nga sang Miyerkules lang nga adlaw ginhatag ang insentibo sang mga athletes sang probinsya nga nakaangkon sang medalya sang 2018 SRAA kadungan sang ginpatigayon nga Victory Party sa mga ini.
Suno pa ini tungod pagkatapos sang SRAA nagsabak man gilayon sa training ang mga athletes para sa Palarong Pambansa kag isa pa nangayo pa sila sang dugang nga pondo para sa insentibo tungod ginkulang ang gin-alokar nila nga P1.5 million.
May-angot sini, nabaton na sang mga athletes kag sang mga coaches ang P3 mil para sa gold, P2 mil sa silver kag P1, 000.00 sa bronze.
Samtang posible sa masunod nga semana marelease naman suno kay Sir Floro ang insentibo sa mga athletes sang probinsya nga nakaangkon sang medalya sa Palarong Pambansa sa diin ang gold ang makabaton sang P10 mil, P7 mil sa silver kag P5 mil naman ang mabaton sang bronze.
