Nakarecord sang insidente sang flashflood ang Provincial Disaster Risk Reduction and Management Office South Cotabato sa pipila ka banwa sa probinsya tungod sa naekperyensyahan nga pag-ulan-ulan.
Suno kay PDRRM Action Officer Mila Rivera sa Purok Sikat, Barangay Maibo sang Tantangan may insidente sang flashflood nga ang apektado amo ang dalanon kag nakapatigayon naman sila sang Rapid Damagement Assessment and Needs Analysis sa lugar.
Samtang sa Barangay Talisay sa banwa sang Lake Sebu yara sa isa ka gatos ka mga residente sa lugar ang apektado sang liwat nga pagkaguba sang ila nga temporaryo nga foot bridge tungod sa pagtaas sang level sang tubig sa suba.
Ginkumpirmar man ni Maam Rivera nga may aksyon naman nga ginhimo ang local government unit kag subong man Provincial Engineering Office agud makatukod sang temporaryo nga foot bridge nga indi basta mawash-out.
Apang irekomendar man nila suno pa kay Governor Fuentes ang construction sang konkreto nga foot bridge sa nasambit nga lugar tungod nagakinahanglan ini sang nagakaigo nga pondo.
