Intel monitoring vs wiretapping

Davao City – Pakusgan na lamang ang intelligence monitoring sa atong kasundaluhan ug kapulisan sa kampanya kontra terorista inay nga magpanday og bag-ong Wiretapping Law.

Sumala ni Candido Aparece Jr.,Mindanao Peoples Caucus Coordinator, una modakop sa gitohoang mga terorista gikinahanglang adunay kumpletong mga ebidensya aron dili motaas ang panahon pag-detain sa mga suspetsado ug aron mapasakaan gilayon sa tukmang kaso.

Samtang supak si Aparece sa lakang nga i-wiretap sa gobyerno ang komunikasyon sa mga sibilyan ilabi na sa mga negosyante kay mo-epekto unya kini sa investors confidence ug sa kinatibuk-ang ekonomiya.


Dugang pa ni Aparece nga adunay mga non-government organization (NGOs) nga nag-monitor sa mga alleged extra judicial killings kinsa mamahimong dakpon ug ang hut-ong sa media nga adunay mga komunikasyon ngadto sa mga rebelde nga nagakuha usab ug mga estorya.

RadyoMaN Bernard Pantallon

Facebook Comments