*General Santos City— Gibutyag ni Police Lt. Col. Lino Capillan, tigpamaba sa Police Regional Office 12 nga kung wala nadakpan ang mga nasangpit nga terorista lakip na ang swedish national nga si Hassan Akgun, posible matud pa sila nga maghimo ug teroristang aktibidad sa rehiyon human ang pagpamomba sa Isulan milabay’ng Setyembre 7 kung asa pito ang naimong angol.*
*Saysay niya nga tungod sa maayong intelligence network sa kapulisan ug militar, nadakpan ang mga nahisgutan nga gina-konsiderang miyembro sa ISIS.*
*Dugang pamahayag ni Police Lt. Col. Cappillan nga padayon ang ginahimong imbestigasyon sa special task group sa pagpanguna ni Police Col. Enmodias, Deputy Regional Director for Operation sa kaso sa pagpamomba sa Isulan.*
*Lakip matud pa sa ilahang ginasuta kung aduna pay laing mga kaubanan ang mga suspek nga responsable sa maong pagpamomba.*
*Sa kasamtangan, ang mga dinakpang terorista ang ana sa kustudiya sa Sultan Kuarat Provincial Police Office samtang ang naunang nadakpan sa checkpoint sa Joint Task Force Gensan nga si kamlon Camsa ang anaa na sa kustudiya sa Gensan City Police Office.*
