*General Santos City— Nagmugna na ug Inter-Agency Task Force ang lokal nga panggamhanan sa dakbayan aron mabatukan sa posibleng pagsulod sa novel coronal virus sa Gensan.*
*Sumala kang Mayor Ronnel Rivera nga gilangkuban sa CAAP, Bureau Of Quarantine, Department Of Health, City Health, CDRRMO ug uban pang ahensya sa gobyerno ang maong inter-agency task force.*
*Tumong niini aron nga mas matutukan ang posibleng pagsulod sa coronavirus sa Gensan hilabina nga transient ang mga tao ug adunay daghang posibleng agianan.*
*Suportado man usab ni Mayor Rivera planong resolusyon nga iduso ni Gensan City Councilor Jeng Gacal nga temporaryong pag ban sa mga Chinese National o mga langyaw nga musulod sa Gensan hilabina ang mga gikan direkta sa mainland China kung asa may pinakadaghang kaso sa novel coronavirus.*
*Pamahayag ni Mayor Rivera nga usa kini sa mga pmaagi aron nga mahatagan ug proteksyon ang katawhan batok sa maong sakit.*
*Pagpaklaro niya nga dili lang ang China ang dunay kaso sa novel coronavirus apan ang maong nasud naggikan ang may pinakadaghan nga kaso.*
