Internal cleansing sa PNP, mas pahugtan nga adunay pulis nadakpan tungod sa illegal nga droga

26

Gisiguro sa Philippine National Police nga pahugtan pa ang ilang himoon nga internal cleansing aron masiguro nga dili masagulan ug police scalawags kon mga badlungong mga pulis.

Kini human nga adunay usa ka pulis nga destino sa Manolo Fortich Municipal Police Station nga si Patrolman Michael John Ondap nga taga- Maramag ang nadakpan sa Valencia City tungod sa pakig-transaksyon sa ginadiling droga.


Sa interview sa RMN Malaybalay ngadto kang Police Lt. Col. Silvestre Asiong Jr., ang spokesperson sa Bukidnon Provincial Police Office gibutyag niini nga hugot nga gimando ni Bukidnon PNP Provincial Director Police Col. Ruel Lami-ing ang pagpatuman sa internal cleasing.

Dili matud pa nila palabyon ang panahon kung aduna may pulis nga mapamatud-an nga nalambigit sa binuang ilabina illegal nga droga.

Sa pikas bahin gisiguro usab ni PNP 10 Regional Spokesperson Police Lt. Col. Mardy Hortillosa sa publiko nga padayon ang paglimpiyo sa ilang hanay tungod kay mao kini ang usa sa existing nga programa karon sa kapulisan.

Matud ni Hortillosa nga gisayangan sa mao nga bagitong pulis ang higayon nga makasulod sa origanisasyon.

Gibutyag pa sa opisyal nga bag-o nila kining namonitor pinaagi sa sumbong sa mga concern citizen, gani daw nakurat ang hepe sa Valencia City Police Station nga usa ka pulis diay ang ilang nadakpan.

Gisiguro usab ni Hortillosa nga dili nila palabyon ang mao nga kaso ug gipasalig nga ipa-agi sa proseso ang pagtaral sa mao nga patrolman.

Facebook Comments