PNP 10 Regional Director, nalipay nga naguol sa pagkasikop sa usa ka pulis tungod sa illegal nga droga

23

Nalipay nga naguol ang Regional Director sa Police Regional Office 10 sa pagkasikop sa usa ka pulis tungod sa illegal nga droga.

Mahinumduman nga nadakpan ang usa ka Patrolman Micheal John Ondap sa Valencia City niadtong Sabado sa buntag tungod sa pakig-transaction sa illegal nga druga.


Sa interview sa RMN Malaybalay ngadto kang PNP 10 Regional Spokesperson Police LTCOL. Mardi Hortillosa, gibutyag niini nga nagpadayag si Regional Director Police BGEn. Rolando Anduyan sa pagkasubo tungod kay nawad-an sila ug sakop.

Sa laing bahin, nalipay usab daw kaayo si Gen. Aduyan tungod kay nadakpan ang gitawag nga police scalawag o badlungon nga police sa ilang hanay.

Makadismaya matud pa nga bisan pa man sa hugot nilang kampanya batok sa illegal nga droga ug gipahugtang internal cleasing, aduna pa gihapoy nalambigit sa illegal drug trade.

Gitin-aw usab ni Col. Hortillosa nga wala nila gi-tolerate ang mao nga kalihukan.

Gipasabot niya nga pamatuod niini nga nadakpan ang mao nga pulis- suspek.

Gisiguro usab niini nga padayon ang ilang internal cleansing o paglimpiyo sa ilang hanay aron madakpan ang mga badlungon nga mga pulis sa rehiyon 10.

Gawas matud pa sa kasong kriminal, pasakahan usab ug kasong administratibo ang mao nga pulis karong adlawa.

Facebook Comments