General Santos City–Gipahigayon atubang sa Plaza Heneral Santos ang usa ka candle lighting aron sa pag hinumdum sa mga tawo nga namatay tungod sa sakit nga HIV/AIDS.
Ang aktibidad gipangunahan sa grupo nga FPOP kon Family Planning Organization Of The Philippine Inc SOCKSARGEN Chapter inubanan sa Rotary Club of SOCKSARGEN, alas 4:00 ang takna sa hapon.
Sumala pa ni Chris Peñales ang labaw sa FPOP nga kada tuig matud pa ginapahigayon ang maong candle lighting partikular na sa bulan sa Mayo sa tibuok kalibutan aron nga hinumdumon ang mga tawo nga mitaliwa na sa laing kalibutan nga nakasinati sa maong balatian.
Dugang pa ni Peñales nga gawas sa paghinumdum sa mga mitaliwan mag silbi usab kini isip pahinumdum sa katawhan nga mag-maampingon hilabi na sa mga tawo nga dunay multiple sex partner aron nga dili makakuha ug sakit HIV virus.
Gani giawhag niini ang katawhan nga mopailalum sa HIV test aron nga mahibaluan ang HIV status. (Dave Silagan)
