Gipangandaman na sa libuan ka mga Romano Katoliko nga mga Pilipino sa United Arab Emirates ang gikatakdang pagbisita ni Pope Francis sunod semana.
Sumala pa nga ang giilang pinaka-dakong parokya sa Roman Catholic Church sa UAE nga mao ang St. Mary’s Catholic Church nga anaa sa Dubai, ang nakadawat ug pinakadakong share sa tickets nga gibana-banaang moabot sa 43,000.
Nasayran nga adunay 9 ka mga Catholic parishes sa UAE ug ang mga tickets gitagana alang sa sulod ug gawas sa Zayed Sports City Stadium sa Abu Dhabi, ang lugar kung asa gilauman nga mopahigayon ug Balaan nga Misa ang Sto. Papa.
Pebrero 5 gikatakda ang Holy Eucharist nga pangunahan ni Pope Francis. Gikatakda ang schedule sa pagbisita niini gikan Pebrero 3 ngadto na sa Pebrero 5. Sumala ni Parish Priest Fr. Chito Bartolo, ang St. Mary’s Parish halos puno ug manimbahay nga mga Pilipino.
