Miani ug batikos ang mikatag karon nga Video Footage nga nagpakita sa pagsaludo ni US President Donald Trump sa usa ka North Korean military general. Nahitabo ang eksena sa gipahigayong makasaysayan nilang summit ni North Korean leader Kim Jong-un sa Singapore niadtong Hunyo 12.
Base sa video footage nga una nang gipagawas sa North Korean state media, human gipakilala ni Kim si Trump kay Gen. No Kwang-chol, gisaluduhan kini sa presidenti sa Estados Unidos.
Wala mauyunan sa mga kritiko ang maayong pagtagad ni Trump sa lider sa North Korea ug sa delegasyon niini luyo paman nga nag atubang ang mga nasangpit ug mga kalapasan sa tawhanong katungod.
Gibutyag usab ni Democratic Sen. Chris Van Hollen, nga wala na siya makurat pa dihang gigamit sa Pyongyang si Trump alang sa ilang propaganda.
(Photo From Web)
