Mukabat sa 14 ka mga tawo ang patay samtang 162 ang angol human miigo ang 6.4 magnitude nga linog sa Lombok, Indonesia.
Miigo ang pagtay-og kaganinang kabuntagon, samtang nangatulog ang mga residenti sa maong lugar.
Subay sa report, libuan ka mga panimalay ang naguba, naputol usab ang supply sa kuryente sa sembalun ug sa tiilan sa Mount Rinjani, kansa maoy labing naapektuhan sa pag-igo sa linog.
Gumikan sa insidenti, temporaryo unang gisara ang pipila ka sikat nga trekking destination sa lugar.
Nasayran nga ang Lombok Island ilado isip usa ka global summer destination, tungod sa sikat nga hiking trails, resort ug beach.
Facebook Comments
