Temporaryo una nga giundang ang mga proyekto sa Changi Airport, sa nasud Singapore dungan sa pagpahugot sa siguridad alang sa US-North Korea Summit nga ipahigayon karong adlawa.
Subay sa report gipahugtan na sa kapulisan sa maong nasud ang palibot sa airport ilabi na sa paghidangat ni Us President Donald Trump ug North Korean Leader Kim Jong-Un.
Samtang duna na matud pay mga pagbansay nga gihimo sulod sa mga simbahan isip kabahin sa safety evacuation ug safety drill.
Kahibaluan nga ang historical event paggahimuon sa Sentosa Island kung asa gikatakdang mag-atbangay ang mga tag-as nga lider sa US og sa North Korea.
Dako usab ang paglaum sa kadaghanan nga dunay kapaingnan ang panaghisgot sa duha ka mga tag-as nga lider sa duha ka gamhanang nasud.
