Davao City – Importante sumala pa nga masayod ang usa ka babae sa iyang katakus diha sa komunidad.
Kini ang gibutyag ni Daisy Lindemuth, inahan sa duha ka mga anak nga taga Compostela, ComVal Province, sa pakighinabi sa DXDC RMN Davao subay sa pagselbrar karong adlawa, Marso 8, 2019 sa ika-109th International Women’s Day.
Saysay ni Daisy nga sa hisgutanan sa pagresolba sa problema, kini nagdepende sa usa ka tao ug dili basehan kung ikaw babae o lalaki.
“Wala manay kalahian sa lalaki. Depende ra gyud sa tao kung unsaon niya pag solve ang problema.” segun niini.
Dugang pa niini nga aduna usay katakos ang mga kababayen-an diin dili kinahanglang magdepende sila kanunay sa mga kalalakin-an sama na lamang sa mga single mothers sa komunidad.
“Kinahanglang empowered ka kay dili kinahanglang magdepende kanunay sa lalaki. Kay daghan gud mga babae nga mga single mom. Kung naay income ang lalaki, mahimo pud na sa mga kababayen-an.”
Nagpasalamat usab si Daisy sa paghatag og pagtagad sa maong selebrasyon dili lamang dinhi sa nasud kundi lakip na sa tibuok kalibutan.
Nasayran nga sa mensahe ni Pangulong Rodrigo Duterte sa maong selebrasyon, gipaniguro niini ang pag implementar sa Magna Carta of Women nga usa ka human rights law nga o pagpakusog sa katungod sa mga kababayen-an diha sa komunidad.
RadyoMaN Kirby Manzon
