Gisugdan kagahapong adlawa ang International Youth Camp nga matapos karung Oktubre 29, 2017 nga pagahimuon sa Almont Inland Resort ning dakbayan sa Butuan.
Gipasabot ni City Councilor Atty. Glenn Carampatananm nga ang maong aktibidad ang pagasalmutan sa 1500 nga mga batan-on sa tibuok Caraga region, nga pangunahan sa International Youth Foundation,nga suportado sa LGU Butuan, ubos sa pag-pangatungdanan ni Mayor Ronnie Vic Lagnada, city councilor Atty. Glenn C. Carampatana sa Committee on Education, Department of Education, Department of Tourism, Bureau of Fire Protection, Butuan City Police Office, Philippine Information Agency ug mga media partners.
Ang International Youth Camp ang usa ka praktikal nga exposure ug training alang sa mga partisepante arun mamahimong responsabling batan-on diha sa katilingban, pinaagi na sa mga nakahan-ay nga mga aktibidad nga maoy mubansay sa mga batan-on.
Daku ang paglaum ni City Councilor Atty. Glenn Carampatana nga makakuha ug maayung ideya ang mga student leaders dinhi sa dakbayan sa Butuan human sa ilang pagsalmot sa International Youth Forum nga gihapahigayun dinhi sa syudad.
Niya pa nga ang katuyuan sa pagpahigayun sa Forum aron magtagbu ang tanang mga student leaders sa ubang lugar alang sa ilang personality development, leadership training ug pagkig-ambit sa nagkalain-laing mga kultura gikan sa ubang lugar.
