Surpresang gibisita ni US First Lady Melania Trump ang border facility sa Texas nga nahimutangan sa mga bata nga gibulag sa ilang mga ginikanan human nga nasikop gumikan sa iligal nga pagsulod sa Estados Unidos.
Dungan sa iyang pagbisita, iyang gidayeg ang mga medical staff ug social workers sa child detention gumikan sa ilang pagatiman ngadto sa mga kabataan nga nabulag sa ilang mga ginikanan.
Sumala sa First Lady nga andam syang magpaabot ug tabang ngadto sa maong mga bata aron nga masiguro nga mahimong konbinyente ang ilang sitwasyon sa lugar.
Kahibaluan nga ang pag bisita gihimo usa ka adlaw human nga gipirmahan ni President Donald Trump ang kamanduan nga mibakwi sa pagbulag sa mga ginikanan sa ilang mga anak nga iligal misulod sa maong nasud.
(Photo From Web)
