Intsik nga nadakpan sa Gensan atol sa entrapment hugtanong nanghimakak

Handcuffs

General Santos City–Hugot nga gihimakak sa suspetsadong Chinese national nga si Zai Tian Shi ang alegasyong namaligya kini og mga bawal nga sigarilyo dinhi sa Gensan.

Kini luyo nga nasikop ang nahisgutan sa entrapment operation nga gipahigayon sa kapulisan, diin nadakpan kini sa ilang panimalay sa Barangay City Heights.

Matud ni Shi nga ukay-ukay ang iyang negosyo og dili ang pagpamaligya og sigarilyo.


Igo lang matud pa syang gibinlan niini sa iyang amigo nga atoa karon sa China apan wala matud pa niya kini ginabaligya.

Unang migawas sa spot report gikan sa San Isidro Police Station nga naaktohan sa pagpamaligya og 5 ka ream nga Indonesian Gudang Baru nga sigarilyo ang suspek samtang nakuhaan usab kini ug dul-an 300 ka box sa sigarilyong mighty nga walay mapakitang papeles.

Bisan na ang gikaingong upat ka sachet sa shabu nga matud pa narekober sa posisyon ni Shi ang hugot niining gipanghimakak.

Nasayran nga patung-patong nga kaso ang atubangon sa suspetsado lakip na niini ang RA 9165.(JB)

Facebook Comments