‘Investment scheme angle’ giklaro sa pagpusil sa Lalaki sa Tagum

53

Davao City – Giingong walay kalambigitan sa investment scheme ang nahitabong pagpusil-patay sa usa ka lalaki sa Purok Uraya, Tagum City, Davao del Norte, niadtong September 9, 2019.

Kini ang gibutyag ni PRO XI spokesperson Police Major Jason Baria atol sa AFP-PNP Press Corps sukwahi sa mga hungihong nga nalambigit kini sa maong skema.


Sumala ni Baria nga personal grudge o mistaken identity ang gilantaw nga motibo sa maong krimen.

Kahinumduman nga gipusil ang lalaki sa nasangpit nga lugar sakay sa iyang motorsiklo diin nakahiagom kini og daghang samad sa kalawasan.

Sa pikas bahin, di pa usab maingon sa kapulisan nga investment scheme-related ang nahitabong pagpamusil sa usa ka 21 anyos nga dalaga nga anak sa agent sa PLC company gumikan hangtod karong panahona, wala pa nagpakita ang inahan sa biktima.

“Probably but not totally related kay wala pa nagpakita ang mama,” segun ni Baria.

Samtang gitino usab sa PRO XI nga wala na-relieve ang hepe sa Tagum PNP tungod sa investment schemes apan matud pa gipatuman sa kapulisan karon ang reshuffling.

Base sa datos sa PRO XI gikan Enero hangtod Setyembre ning tuiga, aduna nay pulo ka mga kaso ang na-file samtang 28 ang under investigation subay sa mga nahitabong shooting incidents sa Tagum City.

RadyoMaN Renz Barbarona

Facebook Comments

From Advertisers