Davao de Oro – Nagtinabangay karon ang mga tagdumala sa Technical Education and Skills Development Authority (TESDA) ug Department of Agriculture (DA) sa pag-edukar sa mga lumad nga nagpuyo sa unom ka mga IP communities sa mga Barangay sa probinsya sa Davao de oro.
Sumala ni Mafel Joan Gamale, Acting Provincial Director sa TESDA Davao de Oro, ilang gitudloan ang mga lumad sa insaktong pagtanom ug pag-atiman sa ilang mga pananom nga mga gulay luyo sa hulga sa COVID-19.
Ang paglambigit sa mga lumad sa agrikultura, usa ka dakong pabor kanila niining panahon sa krisis nga gisagubang aron mapalig-on ang food security safety sa ilang kinabuhi sanglit dili na sila kinahanglan moadto sa palengke aron mopalit sa gulay ug napakusog usab ang solid waste management tungod kay ang mga ligid nga wala na gigamit gitanom sa mga gulay ingon man ang mga empty containers nagamit sa ilang backyard gardening.
RadyoMaN Jules Catisay
