General Santos City–Nanawagan ang integrated provincial health office kon IPHO sa mga kabatan-nan nga dili mahadlok nga magpakuna dungan sa pagsugod sa school based immunization sa mga pampublikong tughaan sa South Cotabato nga mahuman hangtod sa bulan sa Setyembre.
Sumala pa ni Genesis Navales,Focal Person sa IPHO sa School Based Immunization nga walay angayang kahadlokan ang mga ginikanan sa ilang mga anak nga magpakuna gumikan kay luwas ang mga bakunang ginahatag sa IPHO sa mga kabataan.
apil sa hatagan ug bakuna kontra measles rubella o tigdas ang mga naga-eskwela gikan sa kindergarten hangtod sa grade 7.
Duna usab dugang bakuna para sa tetanus ug diphtheria ang mga nag-eskwela sa grade 1 ug grade 7 samtang ang mga grade 4 pupils nga babaye makadawat usab ug bakuna kontra human papilloma virus.
Ang school based immunization alang lamang kini sa mga pampublikong tunghaan apan pwede usab matud pa maka-avail ang mga pribadong tunghaan basta magsumite lamang kini ug letter of intent.
Apan gipaniguro sa IPHO nga bisan pa man luwas ang bakuna nga ilang ginahatag gikinahanglan pa gihapon kini ug consent sa mga ginikanan. (Reynald Timario)
