Gindistribute gilayon sang Integrated Provincial Health Office (IPHO) South Cotabato ang second batch sang AstraZeneca vaccine nga para sa 11 ka mga Rural Health Units (RHU) sa probinsya.
Base sa datos sang IPHO South Cotabato ang Banga ang may alokasyon nga 2 ka vials sang AstraZeneca vaccine, Lake Sebu – 8, Norala – 25, Polomolok – 4, Sto Niño – 25, Surallah – 41, Tampakan – 12, Tantangan – 5, Tboli – 48, Tupi – 5 kag Koronadal City may 2 ka vials.
Samtang sa updated masterlist sang IPHO South Cotabato kabug-usan nga 2,276 ka mga personnel ang yara sa Temporary Treatment and Monitoring Facilities (TTMF).
Apang tungod yara lang sa 1,700 TTMF personnel ang mabakunahan, ginaekpektar nga magapadala pa sang dugang nga vials sang AstraZeneca vaccine ang DOH 12 agud nga mabakunahan ang tanan nga TTMF personnel sa South Cotabato.
Lauman naman nga patigayunon sang mga RHUs ang pagbakuna sa ila nga mga isolation facility personnel sa Biyernes, March 19 tubtob sa March 25.
Ang magamit kag indi naman magamit nga AstraZeneca vaccines ang ibalik sa DOH-CHD XII sa March 30.
