Nagapatigayon subong sang serye sang workshops ang Integrated Provincial Health Office sang South Cotabato sa mga health personnel sa probinsya.
Suno kay Provincial Health Officer Dr. Rogelio Aturdido Jr,. ini bilang kabahin sang ila preparasyon sa ginakabalak-an nga liwat nga pagsaka sang mga kaso sang COVID-19 sa South Cotabato.
Ini bisan suno pa kay Aturdido nakapagkit sila sang pagnubo sang COVID-19 cases sa probinsiya sang mga nagligad nga adlaw.
Aminado si Aturdido nga mas tawhay sa subong ang mga health personnel, apang ginhatagan punto sini nga wala sang kasiguraduhon kon ano pa ang magkalatabo sa mga madason nga inadlaw.
May angot sini, liwat nga nagpanawagan si Aturdido sa publiko nga magsunod sa COVID-19 health protocols para mapunggan ang paglapta sang virus kapareho sa paggamit sang face mask, face shield, regular nga sanitation kag paghugas sang kamot, pag-obserba sa physical distancing kag paglikaw sa mga matawo nga lugar.
