Nakarecord na sang apat ka kaso sang maternal death ang Provincial Health Office sang South Cotabato halin Enero tubtob subong nga bulan kumparar sang 2018 nga may anum lang sa bug-os nga tuig.
Base sa ila datos suno kay Maternal Health Care Program focal person Genesis Navales nga ang kabangdanan sang kamatayon sang mga iloy nga nagbun-ag ang tungod sa sepsis, preeclampsia, hemorrhage kag pulmonary embolism.
Yara naman sa 15-anyos ang pinakabata kag 43-anyos ang pinakatigulang nga iloy nga nagbun-ag nga nabawian sang kabuhi sa diin ang pipila sa mga ini ang una pa lang nila nga pagbun-ag ukon ang iban pila naman ka bes.
Samtang naprebentar suno kay Navales ang kaso nga nabawian sang kabuhi ang iloy nga magbun-ag kon nagpaidalom kag nakabaton sang quality prenatal care.
Paklaro pa niya nga libre naman ang pagpaidalom sa prenatal sa mga health center sa probinsya.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
